Assalaamu’alaikum Wr.
Wb. ( Diucapkan bersamaan )
Innalhamdalillaah,
nahmaduhu wanasta’inuhu wanastaghfirruhu, wana’uudzubillahi min syuruuri
anfusina wa min sayyiati a’maalina, may yahdihillahu fala mudzillalah wa may
yudlill fala haadiyalah, asyhadu an-laailaaha illallaah wahdahu laa
syariikalahu wa asyhadu anna muhammadan ‘abduhu warasuuluhu. Amma ba’d.
Dumateng para alim ulama' ingkang
rinten dalu tansah sumanding kitab suci wahyuning ilahi minangka panuntun
keblating panembah ingkang satuhu luhur ing budi.
Dumateng poro sesepuh pinisepuh ingkang satuhu kinabekten.
Dumateng poro pangemban pangembating
praja satriyaning nagari minangka pandam pandoming kawulo dasih ingkang
kinasih.
Para penderek ugi para tamu undangan kakung sumawana putri
ingkang satuhu dahat kinurmatan.
Minangkaning
purwokaning atur sumonggo tansah kulo derekaken ngraosaken puji syukur
Alhamdulillah wonten ngarso dalem Alloh SWT. Ingkang sarono sih kawelasan soho
lumeberipun rohmat taufik soho hidayahipun kulo dalah panjenengan sedoyo saget
makempal manunggal wonten setunggal majlis puniko ing sakperlu Derek-derek mangestreni
wontenipun acoro Perti Dusun kanti kawontenan wilujeng nir sambikolo kalis ing
beboyo.
Shalawat saha salam mugi tansah
katetepna dhumateng junjungan kita nabi agung Muhammad SAW, para garwa saha
putra, para keluarganipun saha para sahabatipun, saengga benjang ing yaumul
akhir mugi-mugi kita tansah pikantuk syafaatipun.
Sagunging
tamu undangan kakung sumawono putrid ingkang dahat kinurmatan. Mugi pinarengno
kawulo marak ngabiabtoro hanggempil mardikaning penggali, anggen jengandiko, samiyo
lelenggahan wonten wismo pawiwahan puniko, tumprap perluning gati kawulo marak
ngabiantoro, awit awrat pinatah anglantaraken rantamaning adicoro Perti Dusun ingkang
bade kalampah ing enjang puniko.
Pramilo keparengo langkung rumiyin
kawulo ngaturaken menggah ingkang dados rantamaning adicoro ingkang sampun
rinacik, rinampat soho rinumpoko.
1.
2.
3.
4.
5.
6.
Mekaten
menggah tata rakiting adicara pawiwahan Perti Dusun ingkang sampun rinakit lan
mangga pawiwahan punika kita bikak sesarengan kanthi waosan umul kitab ing pangajab mugi-mugi pawiwahan siang punika purwa madya wasana tansah manggih
rahayu kalis ing rubeda nir ing sambikala.
Acara
sak lajengipun .................................
Penutup :
Minangka adicara ingkang terakhir nun
inggih panutup, Ananging sakderenge dipun tutup saking kawula minangka pranata
cara mbok bilih awal saengga akhir wonten solah bawa saha atur ingkang mboten
nuju prana kawula kajibah nyuwun gunging pangaksami.
Wassalamu’alaikum
Wr.Wb. ( Diucapkan bersamaan )
0 komentar:
Posting Komentar